Acknowledgments

Ang paglikha o pagbuo ng isang 'website' ay hindi lamang pagsabay sa modernong teknolohiya ng panahong ito. Hindi lamang para masabing hindi tayo papayag na maungusan ng ibang kumpanya,korporasyon,samahan,ahensyang gobyerno o ng kahit ng ilang maunlad na pamahalaang lokal.

Ang isang komunidad gaano man ito kaliit,hindi tayo makatitiyak na nakararating sa lahat ng nasasakop ang mga balitang may kaugnayan sa pag-unlad ng kanilang lugar maging ng bawat pamilya. May iba namang nais makilahok sa araw ng 'Pangkalahatang Pulong' ngunit hindi magkaroon ng panahon dahil sa pagiging abala sa tahanan o sa trabaho. Kaya naman bilang isang halal na barangay opisyal,ninais nating magawan ito ng paraan at ito nga ang naisip na solusyon upang maiparating ng bawat panig ang kanilang saloobin na maaaring makatulong sa pagsulong ng Barangay 599.

Maraming salamat kay Bb. RMP na minsa'y naging kalihim ng Barangay 599, sa kanyang pakikipagtulungan sa ilang Barangay Kagawad ( Y 2007-2010 ) upang maisakatuparan ang matagal ng proyektong ito.

Kinikilala din natin ang suportang ibinigay ng Sangguniang Barangay na pinamumunuan ni P/B Jose Milo L. Lacatan sa pagbibigay ng ilang impormasyon at pagkatiwala ng ilang mahahalagang dokumento ng Barangay 599.

May ilan ding indibidwal at representante ng ilang samahan na nakatulong din sa pagbuo ng ilang bahagi ng 'site'....pagpalain nawa kayo. Sa lahat ng nagmalasakit at nag-alay ng kanilang kaalaman, sa iba pang tutulong na mapaganda pa ang proyektong ito...pagpalain nawa tayong lahat,MABUHAY!

 " ANG MAUNLAD NA BANSA,SA MAAYOS NA BARANGAY NAGMUMULA ! "